DÁLLE Á

LINGUA!

Saca o galego

que levas dentro!

Descarga o xogo

“Dálle á lingua” é un xogo de cartas que fomenta o uso do galego de xeito divertido. Consiste nunha serie de probas que as persoas participantes terán que superar para sumar puntos.

Refráns

Non hai pouco que chegue nin moito que non se acabe

Amiguiños, si, pero a vaquiña polo que vale

A todo porco lle chega o seu San Martiño

O que garda sempre ten

Quen ten cu, ten medo

Quen con lobos anda, a ouvear aprende

Xente nova e leña verde, todo é fume

Sae máis cara a salsa có peixe

Outra vaca no millo

Mexan por nós e hai que dicir que chove

En maio aínda a vella queima o tallo

Expresións

Marcho

que teño que marchar

Que

morra o conto

Tanto

me ten

Vaiche

boa

Malo

será

Caer

da burra

Éche

o que hai

Chegar

e encher

Non ten

xeito ningún

Non vaia

ser o demo

Chistes

Un vampiro atópase con outro, que leva a boca chea de sangue, e dille:

- Oes! Onde conseguiches todo ese rico sangue fresco?
- Boh! Ves aquel muro de cemento de alí?
- Si.
- Pois eu non o vin!

Era un home tan lento, tan lento, tan lento, que correu nunha carreira el só e quedou segundo.

Que pasa se tiras un pato á auga? Nada.

Dúas mozas pasan diante dun restaurante e len un letreiro que anuncia:

“Aquí hai centolas”. Nisto unha mira para a outra e dille:

- Non oh, contigo xa hai cento unha!

Unha nai dálle ao seu fillo un bocadillo de xamón e o rapaz di:

- Non, mamá, iso non o como que o xamón está enfermo!
- Vaiche boa, Vilaboa! Estache de marabilla. Pero, por que dis iso?
- Non, non! Que lle oín dicir antes á avoa que aínda non che estaba ben curado!

Van dúas monxas nunha moto e páraas un policía.

- Por aquí morre moita xente -di o policía.
- Pero nós imos con Deus -din as monxas.
- Entón multa por ir tres nunha moto.

Era un home que se vestía tan mal, pero tan mal, que lle chamaban a caixa forte. Por que? Porque non había quen lle atopase a combinación.

Cancións

Reproducir vídeo